UCHAGUZI WA SERIKALI ZA MITAA 2024 KUENDESHWA KWA SHERIA NA KANUNI UKIZINGATIA UTUNZAJI WA AMANI YA NCHI.

Imewekwa: September 11th, 2024

Timu ya wataalam kutoka ofisi ya Rais Tamisemi pamoja na timu ya wataalam kutoka ofisi ya  Mkuu wa Mkoa wa Tabora, ikiongozwa na Mkurugenzi Msaidizi wa Ofisi ya Rais Tamisemi, Ndg. Joseph Mwacha, wametembelea Halmashauri ya Wilaya ya Sikonge.

Akizungumza na menejimenti ya halmashauri hiyo, Ndg. Mwacha amesisitiza umuhimu wa kuzingatia sheria, kanuni, na taratibu za uchaguzi unaotarajiwa kufanyika Novemba 27 mwaka huu. Ameweka msisitizo kwenye falsafa ya Rais, Mhe. Dkt. Samia Suluhu Hassan inayotaka umoja wa kitaifa, maridhiano, mabadiliko, na ustahimilivu.

Aidha, Ndg. Mwacha amekabidhi Kanuni za uchaguzi wa viongozi wa mamlaka za serikali za mitaa pamoja na mwongozo wa elimu ya mpiga kura kwa Mkurugenzi Mtendaji wa Halmashauri ya Wilaya ya Sikonge, Ndg. Selemani Pandawe.

Tangazo rasmi kuhusu uchaguzi huo lilitolewa na Waziri wa nchi Ofisi ya Rais Tamisemi, Mhe. Mohamed Mchengerwa, mnamo Agosti 29, 2024, likitangaza tarehe ya uchaguzi wa serikali za mitaa wa mwaka 2024.

Top of Form

Bottom of Form