MHE. MAGOPE AONGOZA BARAZA LA KAWAIDA LA WAHESHIMIWA MADIWANI KATIKA UKUMBI WA HALMASHAURI SIKONGE

Imewekwa: November 8th, 2023

Mwenyekiti wa Halmashauri ya Wilaya ya Sikonge Mhe. Rashid Magope aongoza baraza la kawaida la waheshimiwa madiwani leo tarehe 8 Novemba 2023.

Akifungua baraza hilo ameagiza wataalam kuongeza kasi ya ukusanyaji mapato na wale wachache wanaofanya kazi kwa mazoea waache mara moja.

Akitoa salamu za Mkoa kwa niaba ya kwa Mhe. Mkuu wa Mkoa wa Tabora Bw. Elihuruma Nyella ameipongeza Wilaya ya Sikonge kwa mapokezi mazuri ya Mwenge wa Uhuru na amesisitiza wataalam waendelee kuchapa kazi kwa bidi kwani kufanikiwa kwa Wilaya ya mkoa wa Tabora ni kufanikiwa kwa mkoa wa Tabora.

Naye Mkurugenzi Mtendaji wa Halmashauri ya Wilaya ya Sikonge Ndg. Seleman Pandawe amepokea maelekezo na ushauri uliotolewa na Waheshimiwa Madiwani na ameahidi  kuufanyia kazi kwa mujibu na taratibu za kiutumishi.

Aidha Mhe. Mwenyekiti wa CCM Wilaya ya Sikonge Bi. Anna Chambala amesisitiza kuimarisha ushirikiano baina ya chama na serikali kwani italeta tija katika kuwatumikia wanachi kwa ufanisi.

 Akifunga kikao hicho Mhe. Rashid Magope Amemshukuru Mhe. Rais wa Jamhuri ya Muungano wa Tanzania Dkt. Samia Suluhu Hassan kwa jinsi anavyopambana kuleta fedha nyingi za miradi ya maendeleo nchini kote na hususani Bilioni 1.3 kwa Halmashauri ya Wilaya ya Sikonge.