CAMFED YAENDESHA MAFUNZO YA STADI ZA MAISHA KWA SEKTA YA ELIMU SIKONGE.

Imewekwa: June 21st, 2024

Katibu Tawala wa Wilaya ya Sikonge Andrea Ng’hwani amefungua mafunzo ya stadi za maisha kwa Maafisa Elimu kata,walimu wakuu,walimu wa malezi na unasihi,mafunzo hayo yameendeshwa na shirika lisilokuwa la kiserikali CAMFED (Campaign for Female Education)  katika ukumbi wa shule ya sekondari Kamagi.

Akifungua mafunzo hayo Ndugu Ng’hwani  amewaomba  CAMFED kutoa  elimu bora kwa walimu watakao simamia mradi huo na kuhakikisha vijana wanapata ujuzi mkubwa na kuelewa kuwa stadi za maisha sio elimu ya darasani  bali ni maandalizi ya  maisha ya badae kwa vijana kwa kuzingatia malengo na mipango ya serikali kupitia Wizara ya Elimu Ofisi ya Rais Tawala za Mikoa na Serikali za Mitaa

“Niwasihi kutoa ushirikiano wenu wa dhati kwa pamoja ili kuleta mabadiliko chanya katika elimu na maisha ya vijana watakao jitolea kutekeleza mradi huu kwa kupatiwa  nafasi na fursa mbalimbali zinazopatikana katika maeneo ya wilaya kwa  kupata motisha ya  kazi watakazozifanya ili kufikia malengo yaliyokusudiwa”. Amesema ndugu Ng’hwani.

CAMFED inatarajia kuendesha mafunzo hayo kwa siku mbili ambapo lengo ni kuwajengea uwezo vijana wakuweza kujitolea kusimamia na kuelimisha jamii juu ya maadili na kuepuka mambo yasiyofaa yanayoathiri maadili mema ya nchi yetu.