UZINDUZI WA BARAZA LA MADIWANI WILAYANI SIKONGE

Imewekwa: December 15th, 2020

UZINDUZI WA BARAZA LA MADIWANI SIKONGE

 Halmashauri ya Wilaya ya Sikonge, imefanya kikao cha Uzinduzi wa Baraza la Madiwani leo , ambapo Mgeni rasmi alikuwa Mkuu wa Mkoa wa Tabora, Dkt. Philemon Sengati. Katika Uzinduzi huo, Waheshimiwa Madiwani waliapishwa, ziliundwa Kamati za Kudumu za Halmashauri pamoja na kuchagua Wenyeviti wa Kamati.

Mara baada ya zoezi la kuapishwa, Waheshimiwa walipiga kura za ndio kumchagua Mwenyekiti wa Halmashauri ya Wilaya ya Sikonge na Makamu Mwenyekiti, ambapo Mhe. Rashid Maulid Magope alipita kwa kupata kura zote za ndio pamoja na Makamu wake Mhe. Mayeka Tungu Mbusa.

Aidha, zoezi la kuunda Kamati za kudumu za Halmashauri lilifanyika na baadae kufanyika uchaguzi wa Wenyeviti wa Kamati hizo. Ambapo Mhe. Gasto Andrea Luambano alichaguliwa kuwa Mwenyekiti wa Kamati ya Uchumi, Ujenzi na Mazingira na Mhe. Juma Ikombola alichaguliwa kuwa Mwenyekiti wa Kamati ya Elimu, Afya na Maji. Pia Kamati ya Kudhibiti Ukimwi Mwenyekiti wake ni Mhe. Mayeka Mbusa na Kamati ya Maadili, Mwenyekiti wake ni Mhe. Andrea Petro Masanja.